Á matvörumarkaði var 3,9% aukning í heildarveltu milli ára. Bónus var með 30,9% markaðshlutdeild og Krónan með 28,3% markaðshlutdeild. Áhugavert þótti okkur að í apríl 2021 var Krónan í fyrsta skiptið með hærri hlutdeild en Bónus á þessum markaði. Heimkaup.is tyllti sér á topp 10 listann ásamt Eldum Rétt. Hafa ber í huga að Heimkaup.is selja margt annað en matvöru (líkt og t.d. Hagkaup) en mikil áhersla hefur verið á matvöru hjá Heimkaup.is.
![Listi af topp 5 stærstu á matvörumarkaði](https://images.prismic.io/menigaiceland/7ee9a2f3-2432-40c2-a8bb-2d830dc9b300_matarinnkaupa%402x+%282%29.png?auto=compress,format&rect=0,0,1920,1120&w=1200&h=700)
Þegar við færum okkur yfir á veitingamarkaðinn þá sjáum við einnig töluverða aukningu í heildarveltu milli ára, eða 17,8%. Veitingamarkaðurinn velti tæplega 16 milljörðum árið 2021 en inn í þessum tölum eru allir veitingastaðir, skyndibitastaðir, bakarí, kaffihús, ísbúðir eða hvers kyns veitingasala á landinu.
![Listi af topp 10 stærstu á veitingamarkaði](https://images.prismic.io/menigaiceland/2a2e6649-99d9-47a6-8d38-790c6c8bc334_veitingamarka%C3%B0ar%402x.png?auto=compress,format&rect=0,0,1920,1320&w=1200&h=825)
Í nýlegu bloggi töluðum við um innkomu Boozt.com á íslenskan markað en það hóf sölu á landinu um mitt ár 2021. Í flokknum föt og fylgihlutir náði Boozt.com inn á topp 5 listann yfir hæstu markaðshlutdeildina þrátt fyrir að hafa aðeins verið með starfsemi á landinu í tæpt hálft ár. Áhugavert verður að fylgjast með þróun á þessum markaði því þarna er á ferðinni erlend netverslun sem hefur komið inn með látum og spurning hvernig innlend verslun og netverslun bregðist við þessari nýju samkeppni.
![Listi af topp 5 stærstu fyrirtækin í flokknum föt og fylgihlutir](https://images.prismic.io/menigaiceland/366d95a7-51e7-4548-87fb-caf562190e94_fatna%C3%B0ar+og+fylgihluta%402x+%281%29.png?auto=compress,format&rect=0,0,1920,1120&w=1200&h=700)
Eldsneytismarkaðurinn er gríðarlega stór í veltu á einstaklingsmarkaði og sýndi aukningu upp á 27,3% á milli ára. Þess ber þó að geta að gögnin okkar sýna ekki eingöngu eldsneytisviðskipti þar sem margar stöðvar eru farnar að bjóða viðskiptavinum upp á allskyns veitingar og vörusölu.
![Markaðshlutdeild olíufélaga](https://images.prismic.io/menigaiceland/ee6fcbdc-2dd9-429c-94a3-54c9a3f8ef52_ol%C3%ADuf%C3%A9laga%402x+%281%29.png?auto=compress,format&rect=0,0,1920,1120&w=1200&h=700)
Notendur Meniga geta rýnt í eigin útgjöld á síðasta ári með því að skrá sig inn á meniga.is og fylgja eftirfarandi skrefum;
1. Smella á "Innsýn"
2. Velja "Skýrslur"
3. Velja "Útgjöld"
4. Breyta tímabilinu í “Síðasta ár”
Einnig hvetjum við alla til að skoða og nýta sér þá gjaldfrjálsu þjónustu Meniga sem aðstoðar einstaklinga við að öðlast dýpri innsýn í heimilisbókhaldið.
Við þökkum fyrir samfylgdina á árinu og vonum að 2022 verði ykkur gæfuríkt, bæði í fjármálum sem og á öðrum vettvangi.